16. maí 1910

Nú skil ég hvers vegna fólkið í Staypleton heldur að ég sé eskimói. Það eru þrír menn hérna með skegg sem er næstum eins á litinn og skeggið á mér og líta út eins og dæmigerðir Skandinavar. Eins og Billy sagði: “Þrír þeirra líta út eins og sjóarar og sérðu bara stærðina á þeim!” […]  Á meginlandinu og víðar hafði ég veitt því athygli að fjölmargir karlmenn eru með nokkur brún hár í yfirskegginu og (sjaldnar) í hökuskegginu. Þar er líka nokkuð um yfirskegg sem kalla mætti dökkbrúnt.[…]. En hérna eru til karlar með myndarlegt (þrír þumlungar á lengd, eða þar um bil) hökuskegg (sem nær aðeins út fyrir munnvikið). Í nánd við jaðrana er skeggið í sterkum brúnum lit, en er nálgast miðja höku dökknar liturinn. Andlitin og líkamsbyggingin minna mann á [...] sólbrennda Skandinava, sem eru upprunalega ljósir yfirlitum. (Þeim svipar mjög saman, enda þótt engir tveir eigi sömu móðurina, og eru nauðalíkir einum Íslendingi sem ég þekki, Sigurjóni Sveinssyni, frá Mountain, N.A. eins og hann leit út um 1885. […])